Polis a duna un total di 536 boet den proyecto di accion pa cu auto mal staciona
17 June 2026
ORANJESTAD (AAN): Na october 2025 Polis di Oranjestad conhuntamente cu Aruparking a anuncia cu lo cuminsa cu
proyecto di accion y controla vehiculonan di motor cu ta mal staciona den Centro di Oranjestad.
Polis tin un parti primordial den e proyecto en cuestion pa motibo cu Polis tin e autoridad pa duna un boet y pa actua na momento cu mira un infraccion pa cu autonan mal staciona den Oranjestad.
E proyecto su meta ta pa resolve e problemanan di parkeo den Centro di Oranjestad tambe den vecindario.
E enfoke ta cu mester sigui e reglanan pa ora di staciona (parkeer), tuma accion pa autonan mal staciona y controla si a cumpli cu e pago na e parkeermeters.
Polis di Oranjestad ta haci lo maximo pa cu e proyecto y ta visibel pa asina actua pa cu e situacion aki.
Por tuma nota cu di januari 2026 te cu mei 2026 un total di 536 boet a wordo duna. Tambe tabata tin 1 detencion. Tambe a takel den total di 323 vehiculo di motor cu tabata mal staciona.
E colaboracion entre KPA y Aruparking ta sigui hunga un rol importante pa mehora e fluho di trafico, mantene e orden publico y e calidad di bida den centro di Oranjestad.
