Aruba ta conoce WAW Mobiel pa adulto mayor den tur bario

Idea di Ministro Gerlien Croes a cristaliza...

ORANJESTAD (AAN): Siman a habri cu e bon noticia, ora cu Aruba a conoce un concepto nobo, esta un proyecto piloto di ‘WAW Mobiel’, cu ta cuadra cu e programa di IBiSA, y cu ta mik special riba adultonan mayor den tur bario.

   William Erasmus di IBiSA, a indica cu e WAW Mobiel aki lo bay cuminza riba Dialuna 4 di Mei 2026, y lo dura 2 luna.  Na final lo haci evaluacion y mira con ta sigui cu ne.

   E plan di WAW Mobiel pa Adulto Mayor a bin a base di deseo di Ministro Gerlien Croes, unda a envolvi CEDE Aruba, Fundacion Movimento pa Bida, Fundacion Lotto pa Deporte, y IBiSA pa hunto bin cu e proyecto.

   CEDE Aruba a pone e mobielnan disponibel, y IBiSA tin coachnan cla pa duna un man, y Fundacion Movimento pa Bida tin contacto cu tur e organizacionnan di adulto mayor.  Asina nan por start mesora cu ne.  Fundacion Lotto pa Deporte ta yuda cu fondo pa e actividadnan aki.

   Ministro Gerlien Croes a splica cu e idea y pensamento pa esaki a nace desde aña pasa ora di mira con WAW Mobiel ta core rond den barionan y yuda cu actividad pa hobennan.  Rapidamente a pensa con pa expande e proyecto aki pa yega na mas grupo den comunidad.

    WAW aki nifica ‘Wega Ariba Wiel’ cu ta un programa di comunidad cu a wordo desaroya door di CEDE Aruba hunto cu Bario unico, pa haci actividad di deporte yega na comienso mas cerca di hobennan rond di e isla.

   Pero awor, a bin cu WAW Mobiel pa Adulto Mayor tambe.  Durante un conferencia di prensa Diamars mainta, Ministro Croes a splica cu WAW Mobiel lo tin un schedule unda e lo pasa bishita diferente organizacion rond di e isla, cuminzando prome den distrito di Noord.

   Esnan interesa den esaki, por tuma contacto cu IBiSA y reserva e dia di movecion pa nan organizacion.

   Bo por haya mas informacion di esaki riba e website di www.actividad.aw ta yuda comunidad descubri deporte y actividadnan rond di henter Aruba.  E ta bira un sorto di lista oficial di actividadnan na Aruba, esta for di yoga riba lama na Playa, te club di futbol na Noord, te cultura na San Nicolas.  Bo por busca programanan semanal- y eventonan special pa mucha, hoben, adulto, y mayor den tur distrito riba e isla.

   Pues actividadnan cu ta pasando na Aruba den un solo lugar.