Trabao riba Urban Pocket Park ta avanzando

ORANJESTAD (AAN): E trabao na e Monumento di Guera na final di Adriaan Lacle Boulevard ta sigui avanza. 

Conoci tambe awor como e Urban Pocket Park, apenas siman pasa personal di DOW a cuminza pone klinker riba dje.

   Aki por mira cu tambe a cuminza ta prepara e matanan cu ta bay embeyece e Parke, y trabaonan fini di acabado di klinker ta siguiendo.  E matanan a haya tambe caba nan instalacion di drip-system, y luznan tambe a ser instala caba.

   Sin duda alguno, e profesionalnan di Departamento di Obranan Publico ta haciendo un bon trabao.