Suzette Dumfries cu bishita cerca Gobernador

ORANJESTAD (AAN): Riba Diamars, Gobernador Alfonso Boekhoudt a ricibi Señora Suzette Dumfries den audiencia.

   Ultimo añanan, Señora Dumfries a haci investigacion riba e desbentaha structural di San Nicolas. A investiga di con intervencionnan anterior no a conduci suficiente na desaroyo sostenibel, kico e comunidad mes ta anticipa pa futuro, y ki condicionnan administrativo, institucional y financiero ta necesario pa haci desaroyo realmente posibel.

   E investigacion aki a resulta den e asina yama “Plan Dumfries 2030”.

   Durante e combersacion cu Gobernador, Señora Dumfries a introduci su mes den mas detaye y a duna un splicacion di e investigacion, e plan di desaroyo y e enfoke scogi pa ehecucion.  E potret aki pa cortesia di Kabinet Gouverneur Aruba.