The content originally appeared on:
Diario
ORANJESTAD (AAN): Awendia ya ta conoci, cu ta sumamente importante pa tur hoben haya informacion tocante di bon alimentacion.
Y hopi biaha e yudansa di profesionalnan ta worde hopi aprecia, pa asina bin cu informacion corecto y up-to-date.
Esey ta loke alumnonan di Colegio San Antonio MAVO a ricibi durante di les di Biologie na scol. Nan a ricibi bishita di profesionalnan di IBiSA cu a duna splicacion y contesta pregunta.
Alumnonan a haya sa riba e diferencia di tipo di cuminda y e carbohidrato cu esaki ta contene. A splica con tin “carbohidrato complex” y tambe tin “carbohidrato simple”. Bo mester corda cu “carbohidrato complex” ta worde digeri mas poco-poco y ta manda glucose den sanger na un forma mas gradual. Di otro banda, “carbohidrato simple” ta worde digeri rapidamente, y nan ta hisa e sucu den bo sanger mas rapido y na nivel mas halto.
Ora e alumnonan compronde con e cumindanan aki ta worde clasifica, y con nan ta funciona den bo curpa, esaki por yudabo escoge e carbohidratonan corecto.
Directiva di Colegio San Antonio MAVO ta manda bisa masha danki na docente Alvarez y IBiSA pa organiza e tanda di informacion pa nos alumnonan di Ciclo Basico-2.
