Comunidad Chines a bay honra ciudadano te na New York

 ORANJESTAD (AAN): Un ciudadano kende hopi hende na Aruba conoce,

esta Ng Wah Sing a celebra su di 80 aña di edad den fin di siman.  Y durante e weekend ey, e ciudad di New York a mustra di ta mas cerca cu Aruba, via di e fecha natalicio aki.

   Loke a haci e dia extra special, ta e agradabel sorpresa di su cas na Aruba.  Miembronan di comunidad Chines na Aruba a viaha te New York como gran aprecio pe.  Asina nan a comberti un cumpleaño sopecial den algo hopi significante, demostrando asina cu amistad por keda fuerte ni maske con leu bo a bay biba.

   Ng Wah Sing a crece na Aruba, y a bay studia ingenieria den exterior, y despues a bay biba na New York.  Sinembargo Aruba semper a keda den su curazon, y el a keda bishita e isla regularmente, specialmente durante temporada di Carnaval.

   Awor famianan Tjin, Huang, y Chow a present’e cu un bunita tributo, esta un certificado oficial di Aruba Tourism Authority cu a nombr’e como “Embahador di Bon Boluntad di Aruba”.  Señor Ng a keda hopi emociona, recordando tur e amigonan cu e tin na Aruba, y tur e saludonan cu e ta sigui manda tur e añanan ey.

   Na final, e celebracion a hasta bira mucho mas cu un fiesta, pasobra el a bira mas bien un reunion di espirito, y un indicacion fuerte cu lealtad y amor nunca ta desaparece.