Barco Zr.Ms. Groningen un biaha mas operando como ‘Barco di Stacion di Caribe’

ORANJESTAD (AAN): Defensa Hulandes a confirma, cu e barco Zr.Ms. Groningen a tuma e funcion di barco di stacion den Caribe for di Zr.Ms. Friesland.

E barco di patruya a mara na Bahia Santa Ana na Willemstad e siman aki despues di a caba di cruza Oceano Atlantico.

   Durante e proximo lunanan, e barco lo wordu desplega pa varios tarea di seguridad riba laman, manera vigilancia, enforsamento, y combatimento di actividadnan ilegal manera contrabanda di droga. Adicionalmente, e ta para cla pa duna sosten durante situacionnan di emergencia, por ehempel durante e temporada di horcan cu a cuminsa e luna aki.

   Pa e ultimo cuater lunanan, e anterior barco, esta Zr.Ms. Friesland a cumpli cu e rol di barco di stacion den Caribe. Ademas di vigila e situacion di siguridad rond di e islanan, e barco recientemente a bishita New Orleans, na unda el a participa den festividadnan marcando e di 250 aniversario di Estados Unidos di Merca.

   Cu presencia di un barco di stacion den e region, Defensa Hulandes ta contribui na paz y seguridad den Caribe.