The content originally appeared on:
Diario
ORANJESTAD (AAN): Otmar Oduber di Plataforma Nos Pais ta sumamente contento cu minister Ursell Arends a scuche
riba e inhusticia di cobransa na turista pa RWZI y e openair burner na Parkietenbos. Cambionan a tuma lugar y esaki a pesar cu e minister lo a declara cu Oduber ta un politico irelevante. “Toch asina a logra para e bagabunderia cu e kier a haci di cobra e turistanan un suma adicional na porta y tambe di bin cu e openair burner”.
Otmar ta lamenta cu e mandatario ta pretende di bin cu un politica nobo, mientras cu e ta considera un ciudadano sea politico of no, como irelevante na un forma arogante. Di otro banda, toch e ta sigui consehonan of ta scucha e criticanan fuerte presenta door di e Plataforma.
Contrario na Sr. Arends, Otmar Oduber a presenta pruebanan cu ora e tabata mandatario y Sr. Arends a pidi documento y tabatin critica, sin cu e tabata poltico ainda, Oduber a invite na su oficina y hamas a bisa cu e ta irelevante. Durante e reunion, Otmar a dune tur e documentonan cu Ursell Arends a pidi atraves di LOB. E tempo ey Sr. Arends tabatin palabra di elogio pa Oduber bisando cu esey ta e politica nobo, cu Otmar ta habri pa duna informacion.
5 aña despues cu Ursell Arends ta sinta den stul di minister, e ta bisa cu Otmar ta irelevante, cu e no tin nada di bisa y cu politicamente e no ta bal nada. “Otmar Oduber tabata e di dos votegetter di nos isla, ohala Ursell Arends un dia por yega cerca di Otmar Oduber. Ta mustra si e arogancia cu un politico no por tin”.
