Parlamentario John Hart, fraccion AVP:
ORANJESTAD (AAN)-- Parlamentario John Hart, di fraccion di AVP a expresa cu nan a pone atencion na e declaracion di Presidente di Sindicato SPA, señor Lito Lacle.
Relaciona cu esaki pa e tema aki haya su atencion, y den e sentido aki Parlamento a traha un mocion y na momento cu e mocion aki pasa, e ta bay pa gobierno.
El a reitera cu den e caso aki Minister di Husticia tin un rol importante pa duna ehecucion pasobra ta e tin autoridad.
“Di parti di Parlamento, nos tin diferente momento di control, kiermen bo tin Commissie reunion, unda cu nos ta yama Minister bin aden pa atende cu cierto temanan, nos tin momentonan tambe cu nos ta trata presupuestonan unda tur parlamentario por haci pregunta riba temanan y nos tin tambe reunionnan specifico tambe riba cierto temanan”, Parlamentario Hart a comenta.
El a agrega cu nan tabata tin reunion cu e comision, riba e tema cu e lider sindical di SPA a referi, y parlamentarionan a haci pregunta y pa loke ta trata e bodycam, e tin entendi cu Minister a splica den comision cu e ta bisa cu un pilot, pero e ta di acuerdo cu señor Lacle cu 17 luna ta un tempo largo.
“Un realidad cu nos ta biba cu ne na Aruba, ta e ambicionnan cu nos tin y e limitacionnan real cu tin tambe den finanzas y tambe den burocracia. Lamentablemente, cosnan ta tarda demasiado. Di nos banda, pa loke ta trata Comision di Husticia, y desde cu aña a habri nos ta sinta cu e comision pa pone algun tema. Un tema cu tabata importante ta seguridad den trafico, y minister a bin aden; nos tabata tin e tema di Landspakket unda cu los di husticia tin tambe otro departamentonan, manera departamento di casino, DIMAS, Imigracion, Censo y nan tur a bin Parlamento. Dus Comision tin diferente tema cu nos ta atende cu nan, y e tema di KPA tambe nos a papia di dje”, segun Parlamentario Hart.
El a acentua cu e tema di KPA ta bay bira central riba agenda. Kiermen, los di tur cos KPA ta bira un tema cu ta keda central den un Comision”, e Parlamentario a reitera.
Related News
Investigacion Cultural Caribense y Artistanan di Caribe a inspira futuro colaboracion
Polisnan a haya detenido di 60 aña morto den Cel na Warda di Polis
Ekipo di DOW ta traha tur dia cu dedicacion y ta cla pa “Dia pa Cuida Aruba”
