Cuerpo Policial ta sigui profesionalisa y inverti pa cu cursonan di liderazgo

Desaroyando nos agentenan:

ORANJESTAD (AAN): Cuerpo Policial Aruba tin ya desde 2024 un colaboracion cu Universidad di Aruba. Na 2024 a inicia un grupo piloto di lidernan policial cu a cuminsa e estudio di Pre- Master Organization Governance & Management. Banda di nan trabao como hefe cu ta consisti di hopi responsabilidad y presion di trabao, e coleganan a logra conclui e estudio exigente aki cu exito.

   Durante un ceremonia na Centro di Husticia na Macuarima e coleganan a ricibi un regalo di aprecio pa nan prestacion for di man di altocomisario Ramon Arnhem den presencia di mando policial (KMT).

   Den su discurso altocomisario Arnhem a gradici e coleganan sr. Eric Barry(hefe di Recherche), y señora Haydee Nadal (hefe di districto San Nicolas), Sherina Arrindell (hefe di Scol pa Polis) y señora Raquel Ras (hefe di districto Noord), pa nan esfuerso y nan contribucion na profesionalisacion di Cuerpo Policial Aruba.

   Alavez altocomisario a expresa su aprecio pa e disciplina y e perseverancia di e coleganan den e Pre-Master banda di nan funcion encarga. Cuerpo Policial Aruba ta continua cu e desaroyo aki y ta anticipa riba e desaroyo di liderazgo den KPA fortaleciendo e profesionalismo y ofreciendo oportunidad pa sigui desaroya talentonan.