Boluntarionan di Rode Kruis Aruba haciendo nan best na Venezuela

ORANJESTAD (AAN): E presencia di Rode Kruis Aruba na Venezuela, ta wordo mustra den e potretnan aki. 

Nan ta mustra e esfuerzo internacional extraordinario di rescate pa libera Hernán Gil.  E tabata atrapa den e ruinanan pa mas di 100 ora na Playa Grande na Venezuela.

   Boluntarionan di Rode Kruis Aruba ta forma parti di e reaccion humanitario internacional y ta duna sosten medico na teamnan di rescate di Costa Rica, Chile, Merca, Portugal, y demas organizacionnan aliado.  Nan mision ta pa garantiza seguridad y atencion medico inmediatamente na personal di Search & Rescue, mientras nan ta traha incansabelmente den un area di trabao extremadamente dificil y di riesgo grandi.

   E operacion aki ta un recordatorio poderoso cu trabao humanitario ta bay mucho mas leu cu djis ta na prome liña.  Tras di cada rescate, tin ekiponan dedica cu ta traha hunto cu un meta comun, esta pa salba un bida.

   Rode Kruis Aruba ta increibelmente orguyoso di nan boluntarionan y tur teamnan internacional di cual nan profesionalismo, compasion, y perseverancia ta sigui inspira speranza.

   E potretnan aki pa cortesia di Rode Kruis Aruba.