WEB Aruba NV a ilumina nan edificionan y tambe rotonde na color ros

ORANJESTAD (AAN): Luna di October ta wordo considera como esun unda ta crea concientisacion y combati cancer di pecho. 

Pa e biaha aki, e deseo ta grandi pa haci henter Aruba den color ros.

   Y gerencia di WEB Aruba NV a sigui cu e sugerencia aki, y nan a dicidi na ilumina edificio, y rond di nan planta na balashi cu luz ros.  Pero a ilumina e rotonde di Green Corridor na Balashi tambe cu ros.

   Di e forma aki, e nan ta mustra nan simbolo di sosten pa tur esnan cu ta luchando, of cu a lucha contra cancer.  Nan ta spera cu mas negoshi y instancia por bin cu algo similar.