CEDE Aruba y BARiO UNiCO a sostene Dia di Cuida Aruba

ORANJESTAD (AAN): Cu hopi satisfaccion, por a tuma nota cu CEDE Aruba hunto cu BARiO UNiCO, a sostene e Dia Nacional pa Cuida Aruba activamente.

   E iniciativa aki ta mucho mas cu simplemente haci e isla limpi, e ta pa duna bek na e pais y contribui na e bienestar di tur cu a haci Aruba su hogar.

   Biniendo hunto, sea ciudadanonan individual, organisacionnan, companianan y gruponan social den nos comunidad, nos ta uni pa e causa y manda un mensahe cu Aruba mester di nos tur.

   BARiO UNiCO ta promove participacion civico y ta kere firmemente den iniciativanan asina cu ta impacta nos isla y su habitantenan den un manera positivo.