K9 Unit di Polis lo ricibi curso intensivo na Miami

ORANJESTAD (AAN): Oranjestad, ARUBA: Unidad di K-9 di Cuerpo Policial Aruba a

ricibi un invitacion oficial di Police Service Dog Training na Miami, Florida, e partner di husticia BOT di KIA tambe a wordo invita.

   E programa ta consisti di cinco dia intensivo di practica y ta enfoca riba entrenamento riba e capacidad di despliege operacional di e cacho di K-9 (surveillance) y e diferente habilidadnan como hondengeleider. Na final di e entrenamento e participantenan lo ricibi un certificado oficial. Ademas, e entrenamento ta ofrece un oportunidad pa intercambia conocemento cu e otro hondengeleiders di otro paisnan.

   Cuerpo Policial Aruba ta keda inverti continuamente den siguridad, profesionalisacion y colaboracion entre diferente instancia tanto local como internacional.

   Alto Comisario Ramon Arnhem hunto cu demas funcionarionan tabata na Aeropuerto di Aruba pa asina desea e grupo saliendo tur cos bon.

   Cuerpo Policial Aruba ta desea e funcionarionan di Unidad Canino (K-9) como tambe esnan di BOT KIA tur clase di exito pa cu e curso.