The content originally appeared on:
Diario
ORANJESTAD (AAN): Tur cos ta mustra cu e actividad di Aruba Doet cu lo tuma lugar awe Diabierna y mañan Diasabra na Aruba,
lo bay tin spotlight dirigi riba crea un tereno pa planta y cuida matanan di fruta y berdura na scolnan.
Santa Rosa a confirma, cu nan team ta sumamente contento cu e cantidad di peticion pa conseho y yudansa cu nan a ricibi di varios Scol na Aruba. Pasobra nan lo bay crea nan Hofi durante e actividad di Aruba Doet 2024.
E ta algo cu a haci Santa Rosa hopi orguyoso, specialmente cu e docente- y mayornan cu a escoge pa crea un hardin na nan scol pa e muchanan. Di e forma aki ta stimula e futuro generacion, pa nan siña planta pa den futuro e isla por tin un cantidad di productor dedica, como cu pueblo tin di come tur dia.
