The content originally appeared on:
Diario
Lissette Gomes, Comision Abuso di Mucha:
ORANJESTAD (AAN) – Comision Abuso di Mucha, ta bezig cu un proyecto di concientizacion, segun Lissette Gomes, a duna di conoce den entrevista cu DIARIO.
Banda di dje e Comision ta bezig cu un investigacion riba e proteccion di muchanan menor di edad di cero te bao di 18 aña, cu ta para na banda, durante parada di carnaval.
E comision tin añanan tratando e temanan aki y conhuntamente cu studiantenan di Trabao Social y Desaroyo di Universidad di Aruba, a sinta hunto pa realiza ambos proyecto y e preocupacion ta hopi grandi. No di awo, pero awo cu e comision ta bezig cu ne, por wak con grandi e preocupacion ta pa e proteccion y seguridad di e muchanan durante di carnaval.
Lissette Gomes a menciona cu un preocupacion cu e Comision a mustra prome cu carnaval 70 caba, ta cu hopi mucha chikito (baby) ta wordo exponi den oranan di madruga. El a subraya cu, por ehemplo, Fakkel ta un di e paradanan unda hopi abuso di mucha ta sosode; mayornan cu ta consumi alcohol, muchanan sin earplugs, nan ta wordo expone na cualkier persona cu por mishi cu nan, sin cu bo ta pensa cu ya, e mucha ta banda di dje, y como cu e ta bao influencia no tin ningun reaccion normal pa bo ta pendiente di bo yiu.
“Entre otro esey ta nos preocupacion; muchanan cu ta perde, y danki Dios ainda nos no tin caso di muchanan cu ta wordo ‘kidnap’ cu bo no sa unda e ta, pero bo no sa nunca. Aruba a cambia, nos tin hopi nacionalidad cu hopi cultura cu pensamento diferente, norma y balornan cu no ta fit cu di nos , anto nos no sa e dia cu esey por cuminza pasa, y nos tin cu traha adelanta y tambe drecha loke ta bayendo fout pa añanan”, Lissette Gomes a señala.
