The content originally appeared on:
Diario
18 di Maart 2024 cu logro historico pa Aruba y cu Reino den suspenso
18 di maart 2024 por dicidi cu Hulanda mester bolbe urna electoral?
“Steadfast Defender 24” ta nomber di ehercicio militar alarmante
ORANJESTAD (AAN) Na 2024 Aruba ta prepara pa bay celebra su Dia di Himno y Bandera cu entrega di e confirmacion cu e por carga e responsabilidad di autonomia, basa riba e logro financiero cu el a alcansa!
18 di Maart 2024 ta bira un dia historico den e sentido, cu Aruba ta entrega na mundo e prueba cu e por hiba un maneho sano den cual su entrada y gastonan ta den balansa.
DIARIO ta prepara pa hunto cu Aruba celebra un 18 di Maart 2024 historico, ora Aruba entrega na mundo e prueba cu e tabata tin motibo pa lucha pa su Status Aparte, pa su posicion di pais autonomo den Reino Hulandes.
Aruba na 2024 ta entrega na Reino e prueba di un gobernacion cu por papia di autonomia pasobra (hasta pagando e debe cu Gobierno Evelyn Wever-Croes a hereda), entrada financiero di Aruba ta cubri e gastonan di e pais.
Aruba ta presenta na mundo e prueba cu e tin e base pa atende cu su asuntonan na forma autonomo, na un momento historico pa mundo, cu ta den un suspenso total.
Kico ta spera mundo? Kico ta spera Reino Hulandes a corto plaza y riba termino mas largo riba tur tereno?
Mientras e fecha di 18 di Maart ta yega mas cerca, Reino Hulandes ta pendiente di formacion di su Gobierno nobo a base di e formacion di un Gobierno pa Hulanda.
E fecha 18 di Maart 2024 lo tin un contenido special pa Reino, pasobra no solamente Hulanda como parti di NATO lo ta den suspenso enorme pero tambe pasobra dia 18 di Maart 2024 mester nifica cu Hulanda por a forma un Gobierno nobo pa Hulanda, cu lo bira base pa e Gobierno di Reino.
Hulanda na e momentonan aki conoce un tension enorme pa motibo di e guera di Ukraine cu ta alcansa un culminacion cu ta exigi pa Europa duna prueba na Rusia, cu Europa ta capaz di confronta Rusia y pone un fin na e intentonan di Rusia pa conkista teritorio Europeo.
E tension Hulandes ta bira cada momento mas grandi na caminda pa April 2024, ora celebrando su di 75 aniversario, NATO tin e chens grandi cu e ta wordo pone bou mando di Mark Rutte, e actual Prome Ministro di Hulanda.
DIARIO a cumpli cu su tarea periodistico di informa Aruba di un situacion mundial pero tambe un situacion den Reino Hulandes, cu los for di e guera na Ukraine cu ta exigi alerta grandi y preparacionnan historico di NATO, ta haya su mes confronta awor cu e problema pa forma un Gobierno nobo.
Na e momento cu Aruba ta prepara pa celebra 18 di Maart, Hulanda ta den e suspenso enorme ocasiona pa e dificultadnan grandi pa forma un Gobierno, un proceso cu no por sigui tuma mucho tempo debi na e hecho cu Mark Rutte, cu ta actual Prome Ministro di Hulanda, ta candidato pa bira e proximo dirigi di NATO manera DIARIO a splica Aruba basta dia pasa.
Kico por pasa? Tur cos segun informantenan cu ta mustra cu Reino por skirbi un historia nobo si resulta, cu no a reemplaza e Prome Ministro di Hulanda y asina e dirigente di Gobierno di Reino, Mark Rutte, lo bira tambe e dirigente di NATO.
Con grandi e posibilidad aki ta?
Un pregunta mas obvio cu e contesta cu te awor e intentonan pa forma un Gobierno Hulandes nobo, no por entrega.
E situacion increibel na Hulanda na e momentonan aki a produci un cantidad di informacion falso cu a haci cu e formador di Gobierno mester a bolbe splica cu e no por duna contesta na redashi, cu cada dia ta bira mas grandi den cantidad na Hulanda.
Mientrastanto realidad ta cu tropanan Hulandes ta parti di e operacion militar mas grandi di mundo moderno for di Segunda Guera Mundial, cu a haya e nomber di Steadfast Defender 2024, cu por bira nomber pues di e ehercicio militar historico cu un realidad historico grandi pa Aruba si e dirigente di NATO cu ta organisa e ehercicio aki, ta e dirigente di Reino Hulandes.
Aruba ta prepara pa celebra un Dia di Himno di Bandera cu merece un celebracion enorme pa e logro historico di recuperacion Arubano.
Aruba ta prepara pa un Dia di Himno y Bandera 2024, cu ta wordo celebra den un suspenso enorme den Reino Hulandes, cu no por splica kico su situacion politico lo ta dia 18 di Maart 2023 y si e necesidad lo presenta pa hasta pueblo di Hulanda bolbe urna electoral!
