The content originally appeared on:
Diario
E aña aki Mariah Carey lo ta na Aruba
ORANJESTAD (AAN): Dia 22 te cu 27 di mei 2024, Aruba lo conta cu e di 22 edicion di evento di Soul Beach Music Festival durante ‘Memorial Day Weekend’. E evento lo conta cu un line-up di Earthquake como e artista principal riba diasabra, sigui pa e gran artista Mariah Carey cu lo pone un show di espectaculo riba diasabra, y lo culmina e weekend cu Boyz II Men como e artista principal riba diadomingo.
“E aña aki e artistanan di diferente generacion ta representa algun di e miho artistanan y miho bosnan den e industria di musica”, Mark Adkins, productor ehecutivo di Soul Beach Festival Productions a laga sa.
E festival ta inclui un fin di siman yena cu entretenimento, caminda cu organisadonan tin un programa yen pa e bishitantenan cu a ta cumpra un pakete cu nan, incluyendo fiestanan riba beach, y mas.
