The content originally appeared on:
Diario
ORANJESTAD (AAN): E siman aki cu Minister Maduro di Finansa ta na Hulanda, e mandatario a reuni cu Presidente di CAft, señora Lidewijde van Olerongen.
Minister Maduro a duna un update riba e trabaonan pa mehora maneho financiero di Aruba y a repasa e proceso pa yega na un miembro nobo pa Aruba den CAft ya cu e termino di señora Helen van der Wal ta bay yega su fin na augustus e aña aki.
E mandatario a combersa tambe riba e reglanan presupuestario y e maneho cu ta worde traha pa trata cu surplus, ya cu pa basta aña Aruba a conoce solamente presupuesto cu deficit y awo Aruba ta trahando cu presupuesto cu surplus.
Tabata un reunion ameno y na final Minister Maduro a gradici señora Lidewijde pa su atencion y dedicacion pa e mehoracion di Aruba su finansa publico na bienestar di nos Pais.
