HAVA tin hopi bon regla e asunto di ArubBIG

Drs. Maribelle Tromp, presidente:

ORANJESTAD (AAN)-- Drs. Maribelle Tromp, Presidente nobo di HAVA (Huisartsen Vereniging Aruba), den entrevista cu Matutino DIARIO, a indica cu nan tin basta bon regla cu Instituto di Calidad, e asunto di AruBIG, cu manera ta conoci ta e acreditacion cu mester tin pa por traha como docter aki na Aruba.

Tromp a expresa cu AruBig ta hisa e calidad di cuido cu nan ta duna na Aruba, loke no kiermen cu e docternan no ta bon, sino cu na Aruba mester papia di acreditacion y calidad di cuido, y Aruba a scoge pa acredita via cierto institutonan y ta bon pa hacie, cu ta costa estudio extra, pero e ta yuda Aruba di ta un Huisartarbeid.

El a agrega cu actualmente a habri lugarnan nobo, y dus cuponan den huisartopleiding, pa docternan di nos region, tambe por specializa, y tin oportunidad pa esaki, y HAVA tin esaki bon regla pa yuda nan, Maribelle Tromp a reitera.

Maribelle a agrega cu HAVA ta tuma nan como miembro, y nan ta bira e ora ey, parti di e Asociacion, cu ta bay traha riba un bon nivel di cuido.

Esnan cu kier tin mas informacion por contact HAVA, y nan ta wordo guia unda nan tin cu bay y tuma contacto cu ne.