The content originally appeared on:
Diario
Prome Minister a declara:
ORANJESTAD (AAN) – Den entrevista cu DIARIO, Prome Minister Evelyn Wever-Croes a declara cu Eleccion Presidencial na Venezuela ta un tema halto riba e agenda di Gabinete Wever-Croes.
“Manera ta conoci tanto e comunidad Europeo como Mericano a impone sancion riba Venezuela, Merca a lanta parti di e sancion bao condicion cu eleccion tuma lugar na un forma husto y transparente, y si no sosode asina ta bin sancion atrobe, y nos ta wordo afecta inmediatamente”, e dignatario a señala.
Kiermen, gobierno ta monitoreando e situacion t e luna aki nan ta tuma e decision ki dia e frontera ta habri.
“Mi no por bisa ki dia, pero e luna aki nos ta tuma e decision ki dia nos ta kere cu nos ta cla p’e pero mester tene cuenta semper, cu e tema di eleccion na Venezuela por cambia e escenario di un dia pa otro. Pasobra si Mericanonan ta haya cu Venezuela no ta haciendo suficiente pa un eleccion husto nan ta bolbe bay porta cera, anto ata nos meymey di nan atrobe. Pues e ta keda un reto” Prome Minister Wever Croes a menciona.
