The content originally appeared on:
Diario
Dia 27 di April Reino Hulandes ta celebra e hacimento di aña di e Rey di Hulanda cu ta Willem Alexander naci dia 27 di April 1967.
Willem Alexander ta yiu homber mayor di Reina Beatrix naci 31 di Januari 1938.
Reina Beatrix awor prinses Beatrix ta yiu muher mayor di Reina Juliana naci 30 di April 1909.
Reina Juliana ta yiu muher mayor di Reina Wilhelmina naci dia 31 di Augustus di aña 1880.
Reina Wilhelmina ta yiu muher mayor di Rey Willem III naci 19 di Februari 1887.
Reina Wilhelmina ta bira Reina di Reino Hulandes na un edad di 10 aña ora cu su tata Willem III ta fayece. Pa motibo cu Reina Wilhelmina tabata un menor di edad, ley Hulandes a duna su mama Emma e poderio pa tuma e Reinado Hulandes te ora cu Reina Wilhelmina cumpli su di 18 aña.
Rey Willem III ta fayece na 1890 y segun ley di Trono Hulandes Wilhelmina, un mucha muher di 10 aña, ta bira oficialmente e Reina di Hulanda. Pa 10 aña largo su mama Emma naci na Alemania a tuma e poderio di Trono Hulandes.
Aña di La Reina
Hulanda ta cuminsa celebra Dia di Prinses ariba e fecha di nacemento 31 di augustus di prinses Wilhelmina na 1885 na e momento cu prinses Wilhelmina a cumpli 5 aña. Na 1891 oficialmente a celebra e prome Aña di La Reina na Hulanda.
Na prome instante den miembronan di Famia Real solamente.
Dia 6 di September 1898 te cu 4 di September 1948 Reina Wilhelmina tabata Reina di Trono Hulandes.
Desde 1902 Reino Hulandes a celebra Aña di La Reina ariba 31 di Augustus.
Esaki tambe tabata e caso di Aruba cu a celebra Aña di La Reina cu un algun actividad. No tabata tin mucho school, pero si hopi influencia Hulandes di Frere y Souernan Hulandes den nos comunidad pa celebra e dia.
Dilanti Cas di Gobernador di e tempo ey tabata tin e ceremonia di Hisamento di Bandera Hulandes y seguramente partido di futbol na Oranjestad.
E veld di futbol tabata situa unda awe ta edificio di Corte di Justitia.
Compila pa Roberto Croes
