The content originally appeared on:
Diario
ORANJESTAD (AAN): Recientemente, Ministro Ursell Arends encarga cu sector primario,
a bishita cunucu na Sabanilla Abao unda e por a admira plantacion di diferente berdura y fruta pero loke mas a impacta cerca dje, ta e plantacion di pampuna y papaya.
“Nos cunukeronan demostrando cu metodonan tradicional tambe ta exitoso y nos como comunidad mester apoya y sostene nan,” Ministro a declara.
E ta insisti cu cumpra local no solamente ta un acto di apoyo na nos economia y seguridad di alimentacion, pero tambe ta un paso importante pa mantene un bida saludabel. Productonan fresco y sin kimico ta contribui na un dieta mas balansa y sano.
Palabra di gradicimento na famia Dirksz, Werleman y Tromp pa e recorido, ya cu el a pasa un rato masha ameno mes.
