The content originally appeared on:
Diario
Infrastructura di San Nicolas y vecindario ta haya contenido
*Necesidad basico di hende mester ta presente den proyectonan
*Hotel Secrets ta bira realidad den un infrastructura renoba
ORANJESTAD (AAN) — Na momento cu Lago a cera su portanan, e parti pariba di brug, a perde mas cu oportunidad di trabou na e refineria y otro companianan cu tabata wordo sostene pa e sector aki.
E parti pariba di brug di Aruba, tabata en espera di e restructuracion cu ta tuma lugar actualmente y cu ta exigi un base cu ta ofrece trabou mas cerca di cas pero tambe asina ta sostene servicionan cu ta exigi pa ta mas cerca di cas.
Ora papia di infrastructura pa sostene e parti social di un comunidad pero tambe pa sostene asina actividad comercial, ta papia di e base den cual e ser humano por desaroya.
Uno di e pasonan sumamente importante cu Gobierno Wever-Croes a tuma sin duda tabata IMSAN, cu sigur a suscribi e balor di hende ora ta atende cu e infrastructura di un pais cu mester cubri e e necesidadnan di hende.
Mester a expande awor e posibilidad di crea empleo mas cerca di cas, pero tambe actividadnan cu ta aporta na sosten pa e bienestar di hende, cu ta e motibo principal di desaroyo riba tur tereno.
Hotel Secrets ta bira realidad y lo wordo maneha pa e cadena di Hyatt, cu atrobe ta enfatisa riba e calidad cu a atrae pa San Nicolas cu ta bira parti di un compania di importancia grandi pa economia di Aruba.
Gobernacion di un pais, ta representa un cadena di accion gubernamental manera ya a wordo bisa.
E realisacion di IMSAN ya tabata un factor di sumo importancia y ta sostene e balor di e ser humano, ciudadano di Aruba.
Cu entrada di Secrets, San Nicolas no solamente ta haya un hotel, pero ta haya oportunidad pa ciudadanonan di tur parti di Aruba, dicidi pa proyectonan cu nan tin den nan pensamento y planificacion, bira realidad den vecindario di loke ta un establecemento pa acomoda turistanan, cu mester di servicio.
Di e forma aki pues Secrets ta haci posibel pa mas negoshi establece nan mes pero tambe pa servicionan nobo no solamente pa turista, pero henter e comunidad, aumenta.
Ora papia di turismo ta tene cuenta tambe cu cada sitio na un destinacion turistico tin su atraccion special loke ta aporta na e crecemento general.
Un aumento di actividad na interes di economia pero asina tambe directamente tambe di e poblacion, ta bira realidad na 2024, cu ta forma parti di un maneho, cu a saca Aruba for di crisis pa crea un Aruba, cu ta sigui entrega speranza y fe na su comunidad pa futuro.
