Castigo di 20 luna di prizon ta keda valido
ORANJESTAD (AAN): Tabata aña pasa, dia 13 di Juni, cu Corte den Prome Instancia a dicta sentencia den e caso penal contra Guillfred Besaril, minister plenipotenciario anterior di Aruba na Hulanda.
E caso aki, conoci como Tulipan, ta trata di malversacion di fondonan publico na Arubahuis.
Corte den Prome Instancia a haya B. culpabel di malversacion y abuso di funcion, y a sentenci’e na un castigo di prizon di 20 luna, di cual 10 luna ta condicional, y un tempo di prueba di tres aña.
- tabatin, manera ley ta bisa, dos siman di tempo pa bay den apelacion contra e sentencia di Corte den Prome Instancia. Pero B. a entrega mucho laat.
Pesey Corte Comun di Husticia a declara su apelacion inadmisibel na oktober 2025, y e siman aki Corte di Casacion a uni na e posicion ey. Pues apelacion a wordo entrega laat!
O sea, e decisionnan a bira irevocabel. B. tin cu cumpli cu su castigo di prizon y paga 138.688 Florin bek na Pais Aruba como demanda di decomiso (ontnemingsvordering).
Related News
Miembro di AVP mustra riba caminda deplorabel na Palm Beach
Secretario di Estado Eric van der Burg lo bishita Aruba, Boneiro y Corsou
“Mi famia tambe kier derecho humano y husticia sano pa nos sernan keri”
