The content originally appeared on:
Diario
Futbol di Sala
ORANJESTAD (AAN): Informacion di Amsterdam ta indica cu e hoben di Aruba, esta Bjorn Hart ta forma parti un biaha mas di seleccion Hulandes di Futbol di Sala, cu ta consisti di un delegacion di 25 hungado hunto cu staff, cu ta bay participa den Deaflympics cu lo tuma lugar na estado Erzurum na Turkia.
E torneo ta tuma lugar entrante 28 februari te cu 13 maart. E prome encuentro di seleccion Hulandes ta dia 2 maart contra Iran.
Estado Erzurum ta keda 1.300 kilometer pariba di di Istanbul, y ta riba 1.850 meter di haltura, cu un temperatura di 5 grado.
Por haya mas detaye na:
winterdeaflympics2023.com
E paisnan cu ta participa ta: Poule A: Turkia, Iran, Italia, Hulanda, Poule B ta Japon, Brasil, Checo, Kenya, Poule C ta Spaña, Kuwait, Algeria, Thailand.
Bjorn tin mas cu 20 aña hungando voetbal activo na Hulanda y cu su disciplina un biaha ta forma parti di selecion di Hulanda.
DIARIO tambe ta desea Bjorn Hart hopi exito cu e torneo den selecion Hulandes.
