The content originally appeared on:
Diario
ORANJESTAD (AAN): AHRA, e Asociacion di Profesionalnan di Recurso Humano, anuncia e exito di su Reunion General teni riba April 17, 2024.
E evento a uni hopi profesional di recurso humano, tanto miembronan di AHRA como tambe no-miembronan, kende a expresa un interes halto pa explora cambionan den e maneho di permiso pa loke ta malesa y su consecuencianan legal.
E reunion general a presenta oradornan di renombre kende a comparti nan experiencia riba e topico, incluyendo Gino Croes, Dr. Marleen de Graaf, y Dr. Myron Genser for di Banco di Seguro Social di Aruba (SVb Aruba) y Sr. Jamil Saade, Abogado na Ley di Kloes Kock & Partners.
Nan presentacion a cubri un variedad di asuntonan importante, manera procedimentonan di permiso di malesa, e uzo di e “MiSVb Trahado App Aruba,” e importancia di raporta meldeziek, ley, y mas.
Un sesion di pregunta y contesta anima a sigui, agregando balor adicional na e evento. E evento a wordo acepta bon pa tur asistente, kende a aprecia e oportunidad pa siña y intercambia cu otro profesionalnan di recurso humano.
E Directiva di AHRA ta hopi contento cu e resultadonan di e Reunion General aki. E nivel halto di interes y envolvimeento di e asistentenan ta subraya e importancia di e topico aki pa profesionalnan di recurso humano y otro profesionalnan na Aruba.
AHRA ta warda cu entusiasmo pa sigui nan trayecto di exploracion di topiconan nobo y ideanan cu nan miembronan y no-miembronan.
