The content originally appeared on:
Diario
ORANJESTAD (AAN): Pa awor ya caba hendenan a perde conteo di e tipo di accident cu e vehiculonan aki tipo UTV, cu ta worde usa door di turistanan pa bay offroad.
Diamars den oranan di atardi un UTV a bolbe accidenta cu turista, riba e caminda di tera entre Bushiribana cu Natural Bridge. Yamada a drenta na Central di Polis, y mesora un unidad di Polis di Santa Cruz a wordo manda pa e lugar.
Como cu a drenta informacion cu tin hende herida, a notifica Centro di Alarma cu na su turno a manda unidad di Ambulans pa eynan.
E prome patruya cu a yega, a bin topa cu un grupo di UTV para banda di otro, y a nota cu un turista femenino ta herida. Nan a splica Polis cu el a perde control y bay cay di banda.
Paramediconan cu a yega na e lugar di accident, a logra stabilisa e victima, y a opta pa hibe Servicio di Emergencia di Hospital pa haci varios saminamento. Su compañero a wordo avisa cu e por bay tope aya.
Asina por mira cu e accidentenan cu UTV ta sigui socede na Aruba. Y siguiendo historia, por corda cu accidentnan tabata diverso, uno mas serio cu otro. E “learning curve” pa bo sa con pa maneha e vehiculonan aki, y conoce nan limite, ta algo cu un chauffeur cu apenas a caba di sinta tras di stuur di nan, lo no por domina mesora.
