Local News

Ministro Rianne Letschert ta bishitando Aruba e siman aki

16 November 2026
This content originally appeared on Diario Online.
Promote your business with NAN

ORANJESTAD (AAN): Ministro Hulandes pa Enseñanza, Cultura, y Ciencia, esta Rianne Letschert,

lo bishita islanan di Aruba, Corsou, y St. Maarten desde 16 di November te cu 20 di November.  E bishita ta den cuadro di e Vierlandenoverleg Ministerial y ta ademas sirbi como un momento pa cera conoci cu e islanan Caribense di Reino Hulandes.

   Su prome bishita ta Diamars mainta na St. Maarten, unda e lo bishita e.o. e scol NIPA, y merdia lo atende e Vierlandenoverleg.  Lo tey Ministronan di Enseñansa, Cultura y Ciencia di Aruba, Corsou, St. Maarten, Hulanda, y e biaha aki lo tey tambe presente diputado- y representantenan di Caribe Hulandes (Bonaire, Saba, St. Eustatius).  Di Aruba lo tey Ministro President Mike Eman (kende ta Ministro di Cultura), y tambe Ministro Gerlien Croes (Enseñanza y Ciencia).

   Diahuebs dia 19 di November e Ministro lo ta na Corsou, pa bishita un Hotelvakschool (Parasasa Hotel) y Universidad di Corsou.

   Diabierna 20 di November e lo ta na Aruba, unda e lo haci bishita na Gobernador Alfonso Boekhoudt, tambe lo bishita Scol Primario Kudawecha den cuadro di Kibrahacha, cu ta un programa dirigi pa sigui educa docentenan di enseñansa primario na Aruba, Bonaire, y Corsou.  Despues lo bay bishita EPB Oranjestad, y tambe Universidad di Aruba.  E dia lo cera cu un bishita na Archivo Nacional Aruba.