ORANJESTAD (AAN): Directie Volksgezondheid (DVG), den colaboracion cu Plataforma Promocion di Salud,
ta invita henter comunidad di Aruba na e di 5 edicion di EXPO Promove Salud y Bienestar, cu lo tuma luga diasabra 17 di october, di 6:00 pa 10:00 di anochi, dilanti di edificio di DVG na Oranjestad. Entrada ta completamente gratis!
Bao di e tema “Wellness Festival”, DVG ta trece un anochi alegre y educativo pa henter famia, yen di actividad, movecion, sabor y bienestar.
Bishitantenan por disfruta di diferente stands informativo, chekeonan di salud gratis, actividadnan fisico y descubri opcionnan nobo di cuminda y bebida delicioso y mas saludable. Un oportunidad unico pa siña cu come saludable por ta sabroso, varia y accesibel.
Pa esnan cu kier pone curpa na movecion, tin un Fun Walk/Run di 2.5 KM, organiza hunto cu Fundacion Movemento ta Bida, cu ta cuminsa pa 5:30’or di atardi. Regista awo via Fundacion Movemento ta Bida pa mas informacion yama 560-3975.
Invita bo famia, amigonan y conocirnan! Bin disfruta, siña, move y descubri con cambio chikito por contribui na un bida mas saludable. Expo Salud 2026, haci e escohencia saludable e escohencia mas facil.
Related News
Secretario di Estado Van der Burg ta bishita Kazerne di Marin na Savaneta
Prome Minister Mike Eman observando cu cada dia nos naturalesa ta mas fuerte
Pasaheronan casi a perde nan vuelo pa Aruba debi na rij largo di Security na Bogota
