Secretario di Estado Van der Burg ta bishita Kazerne di Marin na Savaneta

ORANJESTAD (AAN): Secretario di Estado pa Relacionnan Interior y di Reino, Eric van der Burg a haci un bishita di

trabou na Kazerne di Marina na Savaneta dialuna mainta, hunto cu Prome Minister Eman di Aruba.

Durante e bishita di trabou aki, nan a haya informacion tocante Militar Arubano (ARUMIL) y a combersa cu hobennan di e Trayecto di Formacion Social (SVT Sociaal Vormingsgtraject).

 E Trayecto di Formacion Social (SVT) ta un programa pa hobennan entre 17 pa 25 aña cu no ta bayendo scol of ainda no a haya un rumbo stabil den nan bida.

E SVT a wordo introduci na Aruba na 2010 den cooperacion cu Ministerio di Defensa. E prome parti di e programa ta encera entrenamento den disciplina militar. Esaki ta tuma luga na Kazerne di Marina na Savaneta, bou di guia di oficialnan di ARUMIL.

 E bishita di Secretario di Estado Van der Burg na Kazerne di Marina na Savaneta ta parti di su bishita di trabou na Islanan ABC. Ademas di Aruba, Van der Burg ta bishita Corsou y Bonaire tambe.