Homber di 67 aña a fayece despues di pega cu chips na un restaurant na Piedra Plat

ORANJESTAD (AAN):  Diahuebs den oranan di atardi, Central di Polis a manda patruya y varios unidad di Ambulance

cu tur urgencia pa atende cu un hende homber cu aparentemente a bira malo y no tabata reacciona.

Rapidamente Paramediconan a cuminsa e protocol di reanimacion pa purba salba su bida. Pafo di e restaurant, dos ambulance y un unidad di Rapid Responder tabata riba standby.

Segun informacionnan di personanan presente na e lugar, e homber lo tabata comiendo chips y na dado momento el a pega cu esaki.

Apesar cu Paramediconan a haci tur esfuerso di reanimacion, despues di un tempo nan mester a stop. Un dokter a wordo pidi pa bin na e lugar, unda el a constata e morto di e cliente di 67 aña.

DIARIO ta manda condolencia y hopi forsa na famia di e fayecido.