Aruba tin un pilar economico y tin intento pa diversifica pero no ta asina facil

Segun Parlamentario Jennifer Arends-Reyes:

ORANJESTAD (AAN)-- Parlamentario Jennifer Arends-Reyes, di fraccion Di AVP, den su entrevista cu  DIARIO a sigui bisa cu di 2027 pa 2030 caba, tabata tin planea pa “skill down” e parti di UTV y tour operators, drasticamente. Pero esaki ta algo cu no por pensa haci aworaki, di forma drastico.

   “Kiermen, nos ta papiando di 500 permiso cu tin caba, y esnan cu no tin, nos tin cu bay wak kico pa haci cu nan, p’asina yega na un acuerdo serio pa wak si ta protocol, pa wak camindanan alternativo, y wak kico nos por brinda nan como pais Aruba p’asina un no daña pa e otro”, Jennifer Arends-Ruiz a señala.

   E Parlamentario a agrega cu locual a dicidi caba pa e añanan cu nos tin aden, cu ta 2026-2027 tin cu bay ahusta pa e añanan cu ta bin, 2028-‘29-‘30. “Esey ta decisionnan di awo, cu nos tin cu bay tuma pa e añanan cu ta bay  bin.

   E Parlamentario a sigui acentua cu un pilar economico Aruba tin, tin diferente intento pa diversifica, naturalmente, pero e no ta facil tampoco. “Pa locual cu nos tin, cu ta e turismo di aworaki, nos ta depende di dje grandemente. Nos por wak ora cu el a ‘val-uit’ kico a pasa; nos no por pensa, aworaki, pa ‘scale it down’ asina drasticamente, e tin cu bay poco, poco, caminda cu nos tur por biba di dje, y ta keda cu su balor tambe”, segun e parlamentario.