Prijs di Diesel a subi riba di 3 Florin pa liter

Mientras Gasolin a subi cu menos di 1 cen

ORANJESTAD (AAN): Manera ta conoci, riba tur di dos Diaranson di luna ta prepara pa cambio di prijs di combustibel na Aruba.

   Minister di Finansa, Asunto Economico y Sector Primario ta anuncia e prijsnan nobo di benta di combustibel entrante awe Diaranson 9 di september 2026.

  Esaki ta socede den reunion y analisis haci pa Ministerio di Asuntonan Economico, hunto cu importador y distribuidornan di combustibel.

   Awe Gasolin unleaded-premium lo subi cu 0,9 cen, pa asina wordo bendi awor na 291,8 cen pa liter.

   Awe Diesel ULS lo subi cu 23,7 cen, pa asina wordo bendi na 310,0 cen pa liter.  Pues el a sobrepasa e nivel di 3 Florin.

   Awe Kerosin ta subi cu 19,0 cen, pa wordo bendi awor na 275,6 cen pa liter.  Corda cu tur e prijsnan ta inclui BBO/BAZV/BAVP.  Loke ta influencia grandemente prijs di combustibel aworaki ta e conflicto na Medio Oriente cu Iran.