Personanan cu ta na Aruba di manera iregular ainda tin oportunidad pa sali for di Aruba

Director di DIMAS, Kathy Paskel ta reitera:

ORANJESTAD (AAN)-- Director di DIMAS, señora Kathy Paskel, den entrevista cu Matutino DIARIO, ta haya cu ta importante pa subraya cu pa e personanan cu ta permanece na Aruba na un manera iregular, tabata tin un periodo cu tabata, tambe, pa defini e scope nobo, cual ainda ta vigente, pa duna e personanan aki oportunidad pa sali for di Aruba.

El a señala cu na momento cu un persona haci aplicacion y tambe esnan cu ta bin pa prome biaha, mester tene na cuenta cu si e ta cay den e grupo di excepcionnan mes, DIMAS ta bay controla si e ta na Aruba of no.

“Pues, e ta un trayecto cu nos sa cu mester di trahado, nos ta trahando conhuntamente cu Ministerio di Labor, y cu tur e partners, y nos ta bay tene cuenta cu ne, den e lista di excepcionnan, si ta necesario.

Un persona cu a drenta pa estudio pero no a sali y a keda na Aruba, e ta negativo p’e tanten e ta akinan”, señora Paskel, director di DIMAS a subraya.