Temblor registra Diaranson mainta apenas 8 km pafo di Caracasbaai na Corsou

ORANJESTAD (AAN): Luna nobo a start cu un temblor liviano cu a keda registra relativamente basta cerca di costa di Corsou,

y esaki a socede Diaranson 1 di Juli 2026 pa 7:47 am.

   E epicentro a wordo localiza na 12.01º Nort y 68.91º West.  Esaki ta apenas 7.9 km Zuid-Zuidwest di beach di Jan Thiel, cu ta situa cerca di Caracasbaai na Corsou.   E ta djis 8.7 km Zuidwest di Sandals Royal Curaçao Resort.  E ta igual cu 8.2 km Zuid di Curaçao Seaquarium.  E temblor ta apenas 10,8 km leu for di Punta na Curaçao.

   E tabatin un magnitud di 2.6º riba Scala di Richter, y tabata basta superficial, pues apenas 5.0 km hundo bao subsuelo di lama.  Esey ta e motibo cu el a wordo sinti toch bastante na e isla, pero ningun informe di daño a ser presenta.