Corte cu veredicto contra compania di prestamo di placa pa cobransa di interes excesivo

ORANJESTAD (AAN):  Corte a determina diaranson den un veredicto, cu un particular cu na 2019 a tuma un prestamo cerca Island Finance,

no mester paga interes pasobra Island Finance a cobra un interes di mas cu 32% pa aña.

For di un veredicto cu Corte Comun di Husticia (Hof) a pronuncia na 2020, ta resulta cu e interes ey tabata demasiado halto: Island Finance no tabata autorisa pa cobra mas cu 27% di interes pa aña. Si toch e lo a haci esaki, e contrato pa loke ta trata e clausula di interes ta nulo.

Durante hopi aña, Island Finance a sigui exigi pago di e interes demasiado halto y solamente a baha e interes ora cu e particular a cuminsa e proceso hudicial.

 Den e veredicto aki, hues su veredicto ta, cu no ta razonabel pa te cu awor adapta e interes. P'esey, e adaptacion no a remedia e hecho cu e clausula di interes ta nulo.

E particular cu a presta placa, desde 2019 a paga mas placa bek cu locual el a presta. P'esey, awor e no mester paga nada mas. Island Finance mester paga e particular un compensacion pa e gastonan di proceso.

Por interpone apelacion (hoger beroep) contra e veredicto. Si esaki tuma luga, Hof lo emiti un veredicto tocante e cuestion aki.