Awe pa 2’or di atardi na EPB-Oranjestad ta duna resultadonan di Examen 2026

Director di EPB-Oranjestad, Erwin Lopez:

ORANJESTAD (AAN)-- Director di EPB-Oranjestad, señor Erwin Lopez, den entrevista cu Matutino DIARIO cu Diamars nan no a logra di keda cla cu resultadonan di Examen Klas, pasobra e sistema nobo ta exigi hopi mas di nan pa controla cifranan, y ademas nan mester a coregi un fout cu a wordo detecta.

“Y ora bo detecta un fout bo tin cu tin cu bay check tur fout di nobo, anto esey a haci cu diaranzon merdia nan tabata tin reunion, pa awe merdia nos tin e resultadonan  di examen cla”, Meneer Lopez a bisa.

Señor Lopez a informa cu awe pa 2’or di atardi, na EPB Oranjestad, lo duna resultado y ta haci un invitacion pa e alumnonan conceri ta presente. Y Diabierna ta e ultimo dia pa alumnonan di scol basico inscribi.

“El a sigui splica cu tur nan cifranan ta cuadra, tur ta corecto, “Pero na cierto momento di un shift pa otro, algo no a bay bon, y nan mester a controla un pa un. 99% tabata corecto, pero a resulta cu tabatin un grupo masha chikito mes tabata fout. Esey a wordo coregi pero consecuentemente mester a check tur, y nos por bisa cu ta bon”, Meneer Lopez a indica.

Encuanto con 2026 a resulta, Lopez a bisa cu e scol grandi y e scol chikito a slag casi 100%, den un klas tin un cu no a logra. Den e sistema nobo Electro ta hopi bon, pero e ta varia pa opleiding, esun di Service Medewerker Gebouwen tambe ta hopi bon, ABS cu tas economia ta menos bon, pero nos ta den 69% ainda locual ta razonable, eynan Hulandes ta hunga un rol hopi grandi. Meneer Erwin Lopez a señala cu Idioma ta keda un reto.