Hopi posibel cu e instancia cu lo encarga cu recopila ayudo humanitario ta Cruz Cora

Consul general di Venezuela Amabel Lugo:

ORANJESTAD (AAN) E consul General di Republica Bolivariana di Venezuela, Amabel Lugo, den su entrevista cu DIARIO a expresa, cu e tin entendi (aunke no cien por ciento al tanto ainda), cu e instancia cu lo ta encarga di haci e recopila  e ayudo humanitario pa Venezuela, ta Rode Kruis Aruba.

   “Mi ta kere cu lo ta bon si e personanan cu tin e impetu busca y duna ayudo humanitario haci esaki atravez di e organonan regular y cu ademas, sa exactamente kico ta locual mester, y no sali di manera delibera busca aki y aya, pero conoce exactamente kico ta e necesidad”. El a agrega cu e consulado ta sigui den contacto permanente, cu ya tin caba, cu e autoridadnan di Aruba, treciendo y intercambiando informacion, tocante kico realmente ta bay wordo haci.

   El a subraya cu su persona, particularmente no por bisa esnan cu kier yuda kico nan mester haci, pasobra ta decisionnan particular, pero si por duna un recomendacion pa nan no desvia recurso ni esfuerzo, pasobra e ta algo cu mester tin un solo liña.  “Aworaki nos no tin autorizacion pa ricibi ayudo humanitario, debi cu nos ta den e parti di buskeda y rescate, cu ta e prome fase. Nos sa cu ta bay tin mester pasobra tin hopi damnificado, pero nos mester tin e disposicion di compronde cu tur mester wordo haci cu calma, y organizacion”, señora Amabel Lugo, Consul General di Venezuela na Aruba, a conclui.