Hendenan riba caya a haya hopi confiansa den e Mobil Trailer di Stichting Hunto

Zulianne Faro di Fundacion Hunto:

ORANJESTAD (AAN): Manera ta conoci, Stichting Hunto a haya un unidad mobil cu yama ‘Mobile Outreach Unit”, cu cual nan ta riba caya cu ne, cu e meta pa por yega mas cerca di e individuonan cu ta luchando cu adiccion directamente riba caya.  E ta yuda tambe den e rapidez pa duna nan yudansa sicologico, y cuido mental basico.

   Den un entrevista cu Zulianne Faro di Stichting Hunto, el a mustra cu satisfaccion cu e uzo di e Mobil ta bayendo masha bon, special su acogida.  Y awor cu mas hende ta cuminza conoce e trailer mobil aki, y tambe haya sa di su funcion.

   “Nos ta riba caya pa e palabra, e sosten, e informacion cu pa e hendenan riba caya ta principal, nos ta ariba caya pa nan, pa duna nan e ayudo cu nan mester. Y den e caso aki, e team aki ta consisti di seis persona cu ta riba caya tur dia. Y nos ta eyden ora nan ta cla pa e Rehab Center. Nos ta caminda, pa nan por sigui e proceso y yega aki nan,” Faro a bisa.

   E clientenan ta bin realiza, e positivismo di por baña, tin un paña limpi, y come trankil.  E ta bayendo hopi bon, y nan ta compronde e iniciativa aki.

  “Na principio nos no tabatin e trailer, solamente un bus simple, cu djis pan y juice y combersa un rato, y invita nan un rato den e Loop-huis pasobra nos no tabata tin e trailer. Na e momento cu e trailer a bin, e tabata algo nobo pa nos tambe. Pero e ora ey e clienetnan a cuminza mira: ‘Hey, e hendenan aki tin’e echt den serio, y nan ta cana bin na unda cu nos ta,” Faro a agrega.

  “Nos tey unda nan ta, y ta duna confiansa pa nan cuminza bin cerca nos.  Kizas cierto dia nan no kier baña, ni tampoco come, pero djis kier sinta combersa.  Of otro dia ta desea un check-up, y otro dia ta djis un pan cu juice, y haci pregunta,” e profesional di Stichting Hunto a bisa.

   Ora cu nan cuminza puntra, eynan e  confiansa ta bin.  Nan ta puntra e.o. “Pero kico ta e idea di e cos aki?”  “Di akinan mi por bay Colorado, kico mi mester haci?”  Esnan di e fundacion ta duna nan tur e informacion. Y ora nan ta cla, e fundacion mes ta mas cu ready, pasobra nan ta tur dia ariba caya pa e cos ey.  Dunando hende e trato humano. Nan ta personanan humano y bo ta eynan pa ora cu nan ta cla y nos ta ranca sali. Dus e ta funcionando masha bon.

    E clientenan toch semper de bez en cuando ta haya ‘necesidad’ di dal nan curpa cu droga, y aki ta unda cu esnan di Stichting Hunto hopi biaha a cuminsa papia cu e clientenan caba di e Mobil trailer cu bo ta bay yega e momento “Hey, pero no cera bo mes.”  Bo ta sinti loke cu bo ta sinti, pesey tin staff cu ta warda, cualkier momento, cualkier horario tin staff cu ta na warda cla pa papia cu e persona pa bo por sali for di e vicio ey.

   “Y e ta un momento cu despues cu nan haci e detox-fase, cu nan ta bezig cu e programa, e ta bay tin momento cu e cosnan ta bay bin halto, e nan tin e personal pa handle e parti aki. Cu e ta bay pasa, sigur cu e ta bay pasa. E ta mescos si nos ta riba dieta, anto bo ta bayendo fuerte cu e dieet, pero ta yega un momento cu bo ta haya gana di e sucu, e refresco cola, loke sea cu e ta duna bo. Anto e ora ey bo tin cu cuminsa pensa ‘Hey, si ami no por mi so, mi tin cu papia cu hende, mi tin cu busca ayudo.’  Y esey aki nan ta haci e facil pa nan pasobra nan ta den un centro di rehab,” Zulianne Faro a declara.

   Pues den su palabra, aki na e Stichting Hunto nan ta haya e hermentnan pa e ora ey ora cu nan sali pa for nan por atende e parti aki tambe.