UTLT ta lansa su division di Heavy Equipment Rental

ORANJESTAD (AAN): UTLT, e compania lider den construccion Industrial, crane rental services y heavy lifting solutions na Aruba,

orguyosamente ta anuncia su division nobo: Heavy Equipment Rental. Desde awor, tur cliente y contratista rond di Aruba por yama y huur ‘heavy equipment’  y ‘crane services’ directamente na UTLT mes.

   Cu e paso aki UTLT ta expande su servicio y ofrece huurmento di material di ekipo pisa y grua. Pues si bo tin un proyecto y mester di ekipo certifica, den condicion optimo y cu garantia di no ‘break down’, ta na UTLT bo mester ta.

   DIARIO a compronde cu e team cu lo maneha e division di Rental ta Andre Maduro y Willy Perez cu lo atende tur peticion di huur y reservacion directamente. Hunto cu nan, Miguel Zapata cu ta encarga cu coordinacion di garage y mashin, nan lo sigura cu cada mashin ta operacional y den bon estado. UTLT a pone un team dedica pa e division nobo aki pa garantisa servicio di calidad.

   E flota di ekipo ta consisti di entre otro cranes, personnel lifts, manlifts y scissor lifts, telehandlers, tower lights, air compressors, y hopi mas. UTLT tin mas di 60+ diferente ekipo, capacidad y grandura disponible pa huur. Tur cos ta depende di e necesidad di e proyecto of cliente.

   Pues si abo tin un proyecto y mester di ekipo certifica, den condicion optimo pa yudabo cu bo proyecto por tuma contact cu Andre Maduro na 739-6081 of Willy Perez na 737-6081.