Ta bon pa ciudadanonan inverti awor den un cas, tereno of condominio propio

​

ORANJESTAD (AAN): E ta un conseho hopi balioso den e epoca aki. 

Segun señora Eva Wever di Bold Properties a splica den un entrevista cu DIARIO, cu ta importante pa yuda nos localnan inverti den nan vivienda propio.

   Hopi local ta buscando pa cumpra sea cas, tereno of condominio. Biba den condominium ta hopi busca ultimamente tambe pa Arubianonan, specialmente pa e “ehecutivo hoben”, famianan hoben, y parehanan pensionado.  Di con e ta asina?  Segun Wever, pasobra esaki ta trece e comodidad di mantenimento inclui, cierto amenidadnan cu e proyecto ta ofrece, y cu bo por viaha y semper tin bista riba bo propiedad. Pues ideal pa esnan cu awor ta cuminsando nan famia, of e ta hasta util como un ‘inversion’.

   Aki Wever a sigui bisa: “Nos trabao ta pa asisti y guiabo bo den tur aspecto, tambe cu bo Banco di preferencia. Y nos ta percura pa e local haya loke ta mihor pa su inversion di por bida.”

   Si bo ta buscando un propiedad pa cumpra awor of bo kier bende, esaki ta e momento. El a mustra cu comunidad por yam’e libremente pa mas informacion y pa hunto nos bay wak e propiedad di bo gusto.

   El a splica cu actualmente nan por ofrece publico varios residencia bon pa famia of comercial.

   Por ehemplo na centro di Oranjestad, tin un residencia na Adriaan Lacle Boulevard, area exclusivo, tradicional y bon pa famia. E ta djis tres minuut for di Surfside beach, restaurants, cinema, malls y schoolnan, biblioteca nacional.

   Otro residencia grandi disponible ta den area di Maria College, un localidad cu ta ideal pa un clinica di docter, cas di cuido pa hende mayor, centro di educacion, oficina di notario of abogado. Accesible for di varios direccion den centro, cerca di farmacia, supermercado, cinema, surfside beach, y gasoline station.

   Tambe tin condominiums na Eagle, Palm Beach, Westpunt, den caya grandi y centro tin diferente proyectonan di 2, 3 of 4 camber, cu pool, gym, seguridad y mas servicio.

   Tambe tin na Bucuti. Pa e esnan cu gusta bay keiro den boto, zeil y pisca,

tambe tin un tremendo cas, cu terenon propiedad na Bucuti, cu ta 3 minuut for di Varadero . Tur e propiedad nan aki ta di local , y hopi bon pa local, y ta tereno propio.

   Of kizas bo kier cumpra un Hotel na Malmok?  Bo ta interesa pa inverti den bo mes un boutique hotel? Yama nos pa un gran oportunidad, bunita situa banda di Tres Trapi, cerca di beachnan di Boca Catalina y Arashi.

   Uno mas reciente ta un cas (villa style), hopi espacioso, tereno grandi cu mapa aproba pa expande, pantry y laundry room grandi, situa central na Ponton.  E tin tereno propiedad di 998 m2 y total construi riba e tereno ta di 246 m2.  E villa house tin 3 camber, 2½ baño, y ta pertenece den “Stedelijk Woongebied”, es decir construction area por ta 80% di e full e tereno propio.

   Cualkier propiedad por ta e inversion mas importante di bo futuro. Eva Wever a splica cu e ta na bo servicio pa cualkier pregunta y informacion. Y pa hunto nos bay wak tur propiedad. Bo por yama of WhatsApp na 560-0029, of na Facebook @EvaBoldproperties

galleryTa bon pa ciudadanonan inverti awor den un cas, tereno of condominio propio/gallery