The content originally appeared on:
Diario
ORANJESTAD (AAN): Recientemente, Minister di Enseñansa y Deporte Endy Croes a reuni cu directora Señora Anuesca Baly y
staf di Stichting Katholiek Onderwijs Aruba (SKOA).
Durante e reunion a trata diferente punto di interes encuanto enseñansa di Aruba. SKOA a indica cu nan tin necesidad di schoolmaatschappelijk werkers (smw’ers), pa mehora e structura di cuido na nan scolnan.
Cu un total di 46 scol, SKOA ta e stichting di mas grandi di Aruba actualmente. Despues di a consulta cu Dienst Uitvoering Onderwijssubsidies (DUOS), e mandatario di Enseñansa a confirma cu SKOA ta bin na remarke pa haya minimo 3 smw’ers.
Banda di esaki, a dialoga tocante otro peticionnan cu nan a haci enuanto staf administrativo y werkster.
Concluyendo, Minister Endy Croes a indica cu e tabata un bon reunion, unda e trata diferente topico di vital importancia pa mehora e calidad di enseñansa di Aruba den su totalidad.
