The content originally appeared on:
Diario
ORANJESTAD (AAN): Como e compania nacional di telecomunicacion na Aruba, SETAR ta sinti hopi orguyo pa por brinda Aruba e tecnologia di Fiber Optic,
un servicio moderno di Internet cu ta alcansa speednan di Gigabit y un conexion mas stabiel y confiabel.
Durante e ultimo dos añanan, SETAR a dedica na instala Fiber den varios districto manera Noord, San Nicolas y Savaneta. SETAR ta trahando duro pa finalisa e trabounan den e districtonan menciona pa asina por sigui conecta mas cliente cu Fiber.
Dialuna, SETAR su team tabata presente na Wayaca Residence, celebrando e prome 5 clientenan cu ta ricibi Fiber cu un aprecio chikito. E proceso di instalacion di Fiber na Wayaca Residence ta cuminsa den e simannan cu ta bin.
SETAR lo sigui brinda cada cliente cu e miho tecnologia disponibel y mantene Aruba conecta pa futuro. Keda pendiente pa mas informacion mientras nos ta progresa den conecta Fiber riba henter nos isla.
