The content originally appeared on:
Diario
Otmar Oduber
ORANJESTAD (AAN): Siman pasa diabierna, abogado di Otmar Oduber a tene un reunion cu Hues Comisario, kende finalmente a worde apunta e luna aki. Pero Oduber ta considera cu ta parse cu tin un tipo di consipracion y kier alarga e caso aki mas cu ta posibel.
Dia 6 di november aña pasa e hues apunta pa e caso Flamingo a duna un veredicto cu mester scucha 31 testigo cu a worde pidi di parti defensa y awo e hues comisario a bisa cu na juni ta bay cuminsa cu e interogacionnan. Esey kiermeen, 8 luna despues cu e hues a indica cu mester scucha e testigonan.
A drenta su cas na juni 2020 pa despues cambia tur e acusacionnan cu tin contra Otmar Oduber y awe ta keda alarga cu Dios sa ki ora e caso aki ta bay termina, pasobra ta te na juni ta cuminsa scucha testigonan, juli ta luna di recess di Corte, es decir, ta cuminsa back na augustus-september, e ora “ta ki dia e hendenan aki ta bay atende cu e caso aki y termina e pesadiya aki pami y mi famia.”
“Mi a bisa na tur momento cu mi no tin problema pa defende mi mes, pasobra mi ta convenci y sigur cu esaki ta trata di un persecucion total, un persecucion politico sin frontera”. Oduber a sigura cu e lo demostra esaki tambe dilanti di un juez, cu esaki ta simplemente un persecucion politico.
E ta bisa cu nan por sigui purba e persecucion den corte, pero nan no ta kibra Otmar Oduber, nan por kibre financieramente, nan por a kibra su famia, porta trata di kibr’e emocionalmente, pero e ta keda para riba su dos pianan pasobra e ta hiba e lucha aki pa tur hende cu por pasa den e inhusticia aki.
E caso aki ta bay bira uno sumamente interesante debi cu e Hues di e caso mes ya caba a bay di acuerdo pa defensa di Oduber scucha no solamente ex minister Marisol Tromp como testigo riba e acusacionan falso haci, pero tambe e miembronan di KPA, LandsRecherche y RST lo keda interoga pa e Hues Comisario na Juni venidero den nomber di e defensa di Oduber.
