The content originally appeared on:
Diario
Pastoor Toti
ORANJESTAD (AAN): Pastoor Toti Fuentebella, Pastoor di Parokia Santa Filomena di Paradera a informa cu e aña aki e Parokia di Santa Filomena ta bay celebra 75 aña di existencia y en conexion cu e gran celebracion aki, nan mester haci algun trabao di renobacion di e misa .
E ultimo renobacion completo di e misa a tuma lugar na 2015, caminda a haci varios cambio, manera e bentananan y vloer nobo. Pastoor Toti a bisa cu a yega tempo pa misa haya un mantencion, manera verf paden y pafor, como tambe drecha murayanan kibra. Un compania a manda un quotation di 84 mil florin pa haci e trabaonan necesario.
Pa logra e renobacion, a dicidi di organisa un evento pa recauda fondonan, mescos cu na 2016, ora e parokia a organisa un fiesta bailabel, un anochi prome cu Dia di Mama. E aña aki, Dia di Mama ta cay riba 12 di Mei, y nan a pone fecha di e fiesta pa dia 11 di Mei, na Renaissance Convention Center, cu semper ta cla pa yuda nan.
Pastoor Toti ta pidi parokianonan di Paradera, como tambe comunidad completo pa duna un man pa nan por logra e proyecto noble aki.
