The content originally appeared on:
Diario
ORANJESTAD (AAN): E pareha Gary y Cathy Younkin, procedente di Williamsport na Pennsylvania, a celebra nan di 50 aniversario di boda riba 4 di Mei 2024.
Gary y Cathy a drenta enlace matrimonial dia 4 di Mei 1974 na Tom’s Run United Methodist Church cerca di Waterville na Pennsylvania. Awor nan ta biba na Trout Run, cu ta un pueblo na parti nort di Williamsport. Gary awor ta un pensionado despues di a traha cu US Postal Service, y Cathy ta un ama di cas.
Nan tin dos yiu, esta Amy Beiter y Ben Younkin, y nan tin cinco nieto, esta Skylor, Kayla, Cameron, Ashlynn, y Lauren.
E pareha a bin celebra nan 50 aniversario di boda (“Boda di Oro”) pa un siman largo na Aruba. Ora di regresa bek na Pennsylvania, famia y amigonan a sorprende nan cu un brindis di cena.
