The content originally appeared on:
Diario
ORANJESTAD (AAN) – Jessy Ras, Director di e Proyecto Formacion Social (SVT) a bisa ta algo hopi grandi p’e, y e ta sinti su mes orguyoso di dirigi un proyecto aki.
E ta corda cu 12 aña pasa e tabata e unico dama cu tabata haciendo e trayecto. E influencia masculino ta hopi mas grandi, di baina tabata tin hende muher ta traha eynan, pero esaki cu transcurso di tempo a cambia.
Pesey, pa su persona como hende muher ta sumamente orguyoso di guia e proyecto aki. Esaki ta un parti cu mester tin hopi pasenshi, perseverancia, ‘willpower’, y e ta contento cu tres aña pasa a cuminza cu e grupo di dama y e ta mustra cu hende muher tambe por haci e trayecto aki. El a subraya cu si e persona tin e perseverancia, e boluntad y ‘willpower’ tur cos ta posibel y e participante mester pusha no matter con dificil e por ta. Pero si e tin un meta e ta logr’e.
Su conseho pa e generacion nobo, cu ta confronta cu hopi reto, ta pa purba tende di nan mayornan, pasobra nan ta hoben y nan mayornan adulto, pero pensa cu e adultonan a pasa den hopi cos tambe, aunke e hobennan tin cu biba nan mesun bida pa siña di nan lesnan, pero si bo kier algo den bida mester traha p’e, nada ta facil y si bo ta dal un step atras wak pa dal dos dilanti y den e trayecto aki hobennan cu ta bisa cu nan por nan ta logra, tanto mucha homber como mucha muher. Bo mester tin un meta y perseverancia pa bay dilanti, Jessy Ras a señala.
