The content originally appeared on:
Diario
ORANJESTAD (AAN): Diasabra anochi durante un actividad special organisa pa GLW Foundation den The Cage Nightclub,
a trece un momento special unda a corona un represenante di Aruba pa e titulo di Miss Turismo Aruba 2024.
A toca honor na Ex-Miss Universe Aruba, Kiara Arends pa pone e sjerp, y despues e corona riba Gilari Carvillo. El a bira asina Miss Turismo Aruba 2024. Gilari a sali na 2023 como un di e finalistanan di e certamen di Miss Teen Aruba International.
Gilari Carvillo awor ta participando pa e certamen internacional cu ta ‘Miss Turismo Mundial 2024’ cu lo tuma lugar dia 1 di Juni venidero na Eagle Beach Resort cu participacion di candidata di exterior. E lo bay ta esun cu ta representa Aruba den e evento aki. Di awor caba DIARIO ta desea Gilari tur clase di exito.
