Gasolin ta baha awe cu casi 18 cen pa liter

E ta bek bao di 3 Florin...

ORANJESTAD (AAN): Minister di Finansa, Asunto Economico y Sector Primario ta anuncia e prijsnan nobo di benta di combustibel entrante 11 di november 2026.  Cu excepcion di Kerosin, tur tarifa a conoce un caida.

   Gasolin unleaded-premium lo baha cu 17,9 cen, pa wordo bendi awor na 294,5 cen pa liter.

   Diesel ULS lo baha cu 1,4 cen, pa wordo bendi awor na 336,2 cen pa liter.

   Kerosin lo subi cu 6,7 cen pa wordo bendi awor na 318,6 cen pa liter.

   E prijsnan ta inclui BBO/BAZV/BAVP.

   Por mira aki cu prijs di gasolin a baha un tiki, sinembargo e tarifa di Diesel rond mundo keto bay ta sigui di ta basta halto.  E ta afectando tur industria di transporte cu ta depende di Diesel, incluyendo barconan di carga cu ta uzando esaki.  E ta un di e catalizadornan cu ta pushando prijs di productonan rond mundo pa sigui subi.